عنتر بن شداد والدحمي فيس تو فيس

اللي ما يعرف يترجم قصيمي ترا ماراح يفهم شي وشكرا..

المهم مالكم بالطويله قام الدحمي مسرعا واخذ جواله واتصل على كم واحد من اصدقائه المقربين في الجامعه
وعزمهم على نزالة شقته الجديده حيث ان الولد عزابي ومتغرب عن اهله
لان اهله يسكنون بالريان شرق الرياض وهو يدرس في جامعه الملك سعود( امحق غربه )وبعدها
((فاصل إعلاني أحبك موووت))
حجز لدي احد المطاعم وذهب الى حراج بن قاسم كي يشتري بعض الاغراض من بيالات وفناجيل ودله قهوه وملقمة وبريق شاهي
وفعلا جاء اصدقائه في اليوم الموعود وقلطوا علي المفطح وكلن ضرب بالخمس وكالعاده عند الفراغ من وجبه غداء دسمه كهذه
يحلوا لهم التغاروالتغار او التغره كما هو معروف صوت يخرج حينما تمتلئ المعده بالدسم وتظغط علي الكبد فيصرخ الكبد
ويخرج صوت يطلع مسرعا مع المرئ ويخرج من الخشه بنغمه مميزه هي اععععععععععععععع ويتبعها المسلم عاده بقول الحمد لله
ويتبعها الكافر بتغره مثلها واذا خلص انسدح علي بطنه وبدأ يتاغر وش وراه لا صلاه ولا عباده ظلال في ظلال.
وحينما خرجوا اصدقاء الدحمي بعد ان شربوا القهوه والشاهي اخذ الدحمي المعاميل وذهب بها الي المطبخ كي يغسلها
وحينما فتح دله القهوه كي يغسلها خرج منها سحابه سوداء كثيفه غطت ارجاء المطبخ وانفتح من وسطها باب احمر خرج منه
شعاع ابيض قوي سحب الدحمي بعنف كما تسحب مروحه الشفط ريحه الكشنه في المطبخ تفاجأ الدحمي بسقوطه في
ارض خلاء فاضيه ما فيها احد ابد وقام لكي يستطلع الامر فراي حصانا قادما من بعيد وحينها فقط احس انه في الثمامه
حصان ودبابات << الله يخلف علي التفكير >>ولكن ما ان وقف ذلك الحصان عنده وراي ذلك الانسان اللذي يركبه
ذو هئيه غريبه ولبس غريب جدا
((فاصل إعلاني أحبك موووت))
وقال له :يا اخا العرب هيا لكي تحضر اجتماع ابن الكندي بالقبيله في بيته الان الدحمي يحك خشمه وش السالفه يا ناس ؟؟
وما امداه يكمل حك خشم الا وراعي الحصان ماسكه ومركبه وموديه لبيت ابن الكندي فدلف الدحمي الي الباب ودخل وراى
حشدا كبيرا من الناس لبسهم لا يختلف ابدا غرابه عن لبس صاحبه راعي الحصان وراى في المنتصف اقداحا فارغه وجنبها
سطل سكار او ما يسمي نبيذ وعرف عن قبيله الكندي انهم يوصون حريمهم اذا خلصوا من جبن كاسات المراعي ينظفون الكاس وياتون به
الي الديوانيه كي يشربوا من النبيذ ليش يشرون كيسان جديده ليش الخساير الدحمي قعد يدور له محل يقعد فيه وهو ما يدري وش السالفه
خاصتا انه لابس سروال سنه وفنيله علاقي فلما جلس قام القهوجي حق القبيله وصب له كاسا من النبيذ الفاخر وناوله اياه والولد علي نياته
يحسبه عصير تفاح ومير يقرطعه مرتا وحده وهو اللي بدأ
((فاصل إعلاني أحبك موووت))
يتنح وراسه يروح يمين يسار فلما شاف رجال القبيله ان الولد ثمل وسكر قالوا الشرهه علي اللي يسقي البزران نبيذ ما امداه يشرب
كاس الا وهو فاقد الوعي.......
فارسلوا واحدن من بزرانهم الى البقاله المجاوره وجاب للدحمي مرندا فرواله عشان يفك السكار ويركز شوي وحقنوا المرندا بخشته غصب
الي ان فاق من سكره والتفت علي اللي جنبه وقال يا الاخو انت مسجل في المنتدى حقي فايقنوا ان الولد للحين سكران وجابوا
علبه مرندا عائليه ام اربعه ريال حتي صحصح مظبوط فقام ابن الكندي علي حيله واقفا فالقى عليهم التحيه وقال لهم ان القبيله برمتها تتعرض
الى خطر محدق.......
واننا تورطنا بحرب مع قبيله عنتره ولكن سوف نقف وقفه رجل واحدا ونحاربهم ونلعبهم كراتيه يوم سمع هالدحمي الكلام قال يا ولد اطلع
((فاصل إعلاني أحبك موووت))
منها بلا مشاكل بلا هم بكرا شرطه ومحاكم وسين وجيم....
فرفع الدحمي اصبعه كي يستاذن من ابن الكندي ويقوله بعض الكلام << اموت على الادب>> ولكن ابن الكندي عطاه الخامس
وكمل خطبته فوقف الدحمي وقاطع ابن الكندي وقال يله شباب تمسون علي خير بروح اجيب امي جادعها في سوق المجد وتوها تدق علي
فلما هم الدحمي بان ينقلع استوقفه ابن الكندي وقال وين يا ابو الشباب في استراحه اخوياك انت تطلع علي كيفك وتجي علي كيفك
انثبر بس فبين الدحمي له انه ماهوب من القبيله وانه قصيمي مضيع الجاده ولكن قاله ابن الكندي انت الان اعتبرك من القبيله ودمنا ودمك واحد
فاجلس محلك ولا يكثر جلس الدحمي غصبن عنه وقبل ان يكمل ابن الكندي خطبته اخذ كاسا فارغا وصكه في جبهه الدحمي
وقاله لا عمرك تقاطع بارك الله فيك..........
فاكمل الخطبه وبين لهم ان الكندي الاكبر مريض واوصاني بان اعين منكم من يكون فارسا للقبيله
وقائدا عسكريا وان اكون له نائبا واني والله تمقلت في خششكم كلكم ولم يعجبني الا هذا الشخص بجسمه القوي وارادته الصلبه وعيناه القشراء
وغز باصبعه باتجاه الدحمي فصرخ الدحمي وقال يا ولد ماهيب هي اغديك تمزح بس فرد عليه
((فاصل إعلاني أحبك موووت))
وانا اعرفك امزح معك فرفض الدحمي رفضا قاطعا ان يكون فارسا للقبيله ولكن اغراه ابن الكندي ببعض المال واخرج دفتر شيكاته
وكتب له مبلغ 200 الف دولار ووافق الدحمي علي طول لان طموحه كان ب50 ريال وسلموه سيف القبيله
ووسام الملك عبد العزيز من الدرجه الخمسطعش وقربه الكندي من المكرفون كي يلقي كلمه بهذه المناسبه ويوضح للقبيله
ما هي خطته العسكريه ومتي سوف يخرج للحرب واستهل الدحمي خطبته موضحا انه سوف يحارب الاربعاء القادم
بعد انتهاء حلقه مدينه النخيل كل شي جميل سوف يكون موعد التجمع ......
ولكن اعترض عليه بعض افراد القبيله بانه بعد انتهاء مدينه النخيل يبي يجي بالقناه الثانيه كرستل ميز وهم متابعينه ولكن رفض الدحمي
ررفضا قاطعا لانه يكره كرستل ميز وابو صلعه واصر علي موعده الاول بعد انتهاء مدينه النخيل
<< الله يذكرك يا بلوط وعلقم بالخير>>واشار اليهم ان خطته تقول ان نصف القبيله سوف تحارب علي جياد
((فاصل إعلاني أحبك موووت))
والنصف الاخر يحاربون رجليه مشاه يعني واما الذهاب الي ارض المعركه كل اثنين بحصان واحد وعين له واحد يكون مسؤول
عن توزيع الجياد...
فقاطعه ابن الكندي وقال{ الله اكبر عليك الله اكبر والتفت الي افراد القبيله وقال والله ان هالدحمي قائد من الطراز النادر
وابصم لكم علي العشره }<< شكله شاري البوم خالد عبد الرحمن>>
فنظر اليه الدحمي باستحقار وقاله ممكن تسكت ؟؟ وقبل ان يكمل كلامه اخذ الدحمي نفس الكاس اللي صكه فيه ابن الكندي وارسله
مره ثانيه الي ابن الكندي موقعا به ورم في جبهته وبعد اسبوع جاء وقت الانطلاق والمعركه الحاسمه وصار اللي يبي يروح مع الدحمي
في الحصان واحد صعلوك يوم شافه الدحمي حامت كبده فوثب الصعلوك
((فاصل إعلاني أحبك موووت))
وثبه واحده اثره فوق الحصان وقال الدحمي في نفسه وش حيثي ابطمر مثله بس يوم الطمر الولد اثره في الشارع الثاني وبالحسره ركبوه الخيل بكرسي
يوم ركب الدحمي اثر الحصان صايرن وجهه لم البيت وقفاه لم الشارع ورط شلون يخليه يرجع ريوس وقال مال امها داعي اتفشل ونزل
من الحصان وقال للصعلوك انا اباخذ فره شوي وادخن وانت جب الحصان لم ذيك الشجره ولكنه ورط مرتن ثانيه يوم ركب شلون يخليه
يمشي قدام اول مره يركب خيل اخر شي ركبه دباب ابو اربع كفرات وقال للصعلوك بكل سباكه لو سمحت شلون يمشي حقكم هذا
استغرب الصعلوك فارس قبيله ولا يعرف شلون يحرك الحصان ؟؟
قاله الدحمي لا اعرف بس ابشوف انت تعرف والا لا خلصنا شلون يتحرك مشت علي الصعلوك الحركه وقاله بلي اعرف يا اخا العرب
كيف اخلي الحصان يعدو والتفت الصعلوك الي مؤخره الحصان والدحمي ملتفت معه فوكز الحصان وكزه مع قفاه وهو اللي يعدو
والدحمي ما مسك اللجام للحين ومع السرعه اختل توازنه ويجيك مجاوب علي خشته فلم يستطع الصعلوك كتم ضحكه
وزعل الدحمي وقال للصعلوك خذ المفتاح وسق هالخيل لا بارك الله فيكم لما وصلوا الي ارض المعركه وطبعا كالعاده تبداء المعارك
((فاصل إعلاني أحبك موووت))
بالمبارزه بين فرسان القبيله الدحمي من جهه وعنتر من جهه اخري فسال الدحمي ابن الكندي وينه عنتر قاله اصبر شوي
وطلع من جيبه جوال العرب ودقوا علي عنتره ورد عليهم ومير يفتح ابن الكندي مكبر الصوت قاله الكندي يله اطلع جايبن لك فارس
ما يشق له غبار بالمره وسوف يرديك قتيلا استغرب عنتره وقال قصدك الدحمي ؟؟ رد ابن الكندي وقال ايه الدحمي علي سن ورمح
فاجابه عنتره قال والكوبه فيك وفيه فغضب الدحمي واخذ الجوال من ابن الكندي وقال لعنتره رجال اطلع لي راس براس
كلام جوال مثل الحريم ما عندي وقفل الجوال في خشه عنتره بكل قوه وقبل ان يذهب ويبارز عنتره لا بد من بعض الاهازيج العسكريه
اللتي تدب في النفوس الحماس وفعلا قام ابن الكندي << يا انه وليده هالكندي كل شي يسويه وصاح بافراد القبيله وحده وحده وحده
طق طق طقطق طقوحبيبكم مين الدحمىىىىىىىىىىى حبيب الملاين الدحمىىىىىىىىىىىى يله
((فاصل إعلاني أحبك موووت))
غنوا له يله قولوا قولوا يلا لا لا يلا يلا لا لا لا لا بالطول بالعرض الدحمي يهز الارض فدب الحماس بكل قوه في صدر الدحمي
وقال له ابن الكندي خذ هذا الجواد الاسود اللذي لم يركبه قبلك الا صناديد العرب وشجعانهم
وانطلق وقابل هالمغرور عنتر وورنا شغلك فيه فوثب الدحمي علي ظهر الجواد الاسود وقبل ان ينطلق التفت علي ابن الكندي
وقال له واللهي يا ابن الكندي اني سوف اجيب لك راس عنتره وتحسحسه انت وقبيلتكم قاله الكندي علي شحم وانطلق بس
فلما وكز الجواد وكزه خلفيه لم يتحرك الجواد ابدا قال الدحمي يمكنه موب دفع خلفي اكيد انه دفع امامي ومير يجيك يصك الجواد
طراق محترم يمشي ولكن الجواد جمع ذيك النخامه والتفت علي الدحمي وقاله اخخخخخ اتتفوووووو عليك الدحمي
قال هووو وش فيك يله انطلق واعدو سوف نحارب عنتره ورد الجواد الاسود قائلا هيهات لك ان انطلق تسني بي يا شيخ بعد ما كان
شجعان العرب وكبارهم يحاربون فيني ما بقي الا انت يا الزلابه تحارب بعد يا هملالي انزل بس....
فوقعت كلمات الجواد كاشد ما تكون
((فاصل إعلاني أحبك موووت))
علي الدحمي وانهمر بالبكاء واتي لمه الكندي وقال مالها داعي تصيح والا هذي دموع الفرح فاجاب الدحمي بالنفي وقص عليه ما كان
بينه وبين الجواد........
فاطرق الكندي براسه هنيهه وقال للدحمي والله ان الجواد صاز انزلع قابل عنتره رجيله يلي مانيب قايل فذهب الدحمي يمشي
ويحثوا حثوا وهو يجر اذيال النخامه كيف لا وهي من حيوان قويه شوي
ولما وصل الي احدي التلال خرج من خلفها عنتره متوشحا سيفه
فسل الدحمي سيفه واشار الي عنتره وقال يا هذا اذا في راسك حب ما انطحن انا ابطحنه لك
وما هي الا ثواني حتي صرخ عنتره ذيك الصرخه وجاك ماشي الطبلون ما يبي الا راس الدحمي ويوم حس الدحمي بالخطر
قال يا ولد من خاف سلم......
وعض باثمه علي زبيرياته ومسك قميصه وربطه علي خصره
وهج من مقابله عنتره وهو يركض يبي الامان من قبيلته وعنتر يمشي مليون وراه ويوم مشي شوي اثر نفس السحابه السوداء
((فاصل إعلاني احبك موووت))
طلعت مره ثانيه وانفتح له الباب الاحمر وخرج الشعاع الابيض وسحبه وهو يقول الشرهه علي اللي يجيبك
هنا والا انت حدك اوديك ملاهي الحكير وتخب عليك
((فاصل إعلاني أحبك موووت))
((فاصل إعلاني أحبك موووت))
((فاصل إعلاني أحبك موووت))

النهايـــــــــة

هههههههههههههههههههههههه منو الي كتبها يا اخوي Very Happy

مشكور يعطيك العافية

والله ما ادري

بس يقولون انه واحد منسم من
منتديات العزوبية

مشكوووووور عالمرور

تحياتي:
abady